香港新浪網 MySinaBlog
« 上一篇 | 下一篇 »
黃島主 | 13th Nov 2007, 11:11 PM | 島主自說自傳 | (3262 Reads)

數日前,剛剛買了一雙新皮鞋。買鞋,一向是我的煩惱。

原因,是我的腳掌很大。我要穿的鞋碼,是歐洲碼46。一般香港鞋舖,有我腳碼的存貨不多。就是有的,都只會是一兩對。

不是我不想買鞋,是鞋不讓我買。

我是一個怪人。從少到大,我都不是一個懂得試穿新鞋的人。什麼意思?即是我不能憑感覺去辨別穿下去的鞋,是舒適與否。我,一定要試穿大一個碼,和細一個碼後,才會知道中間的號碼,是合我的。

就是因為這樣,香港的鞋店,都不大喜歡我。因為,店員都會嫌我麻煩。試一個款式,可能要店員走三四次。試兩個款式,就得要人家跑六七次。您要知,有些店員都認為自己是上市公司主席的材料,屈就在鞋店被我這個小角色點來點去,就難免有點面色。我買東西,就最怕看到面色。記得自己年幼時,面皮薄,鞋店職員給我試鞋後,有時也不知道是否合適,就買了。買回家,覺得不適,才後悔。要知道,十多年前不是常常可以退貨的。幾百塊零用錢,就這樣丟了。

鞋店的店員,一向很自信他們自己的眼光。就是,一看您的腳,估的號碼,就一定中。但很多時,我接過了鞋,望了望,就彈回頭。對方質疑,為何不試穿。我把新鞋,打側的放在現在穿著的鞋旁,長度還不及現在的鞋,教我如何穿上?

「隻鞋穿久了,就會鬆。」一句,我最憎聽到的說話。我相信鞋子被穿耐了,一定會鬆。但不代表是要穿鬆一對,細自己一個碼的鞋。那對鞋,只會穿鬆,不會變大。合尺碼但繃緊的鞋,要等穿鬆;不過不合碼的鞋,就怎穿也不會變大一個碼。

知道,自己在買鞋上的缺陷,而且,不想惹麻煩,和去麻煩人,所以,我有我的解決方法。皮鞋,我只會到馬莎百貨買。我在那裡買鞋,已經有十多年。因為,那裏的鞋部,是自助的。所有碼就放了出來,任您試,任您穿。每次買鞋,我都當那裏是我的家,穿來穿去。包保,無人煩您。

而且,那裏是老外公司,貨物無論是衣物或是鞋,都有超大的鬼佬碼。46號?在那裡已不算是最大的了。

至於買波鞋,只會買Nike。因為我會記著自己的號碼,然後每次叫同一個號碼,就一定合適。不過,每次有新款,一定要在一週內,決定買與不買。否則,一週後就會被另一條大腳板買掉。每次買鞋前,都要先看定型號,然後不斷打電話到各家分店,查問該店還有無那個鞋碼,才能起行。

至於其他型鞋潮鞋,一律無我份兒。因為一定無我的碼。

一年下,成功買下的鞋,可能只有一至兩雙。在這個方面,我真的慳了不少錢。


[1]

我都有呢個煩惱,對腳好闊,長就夠但係撐到對鞋好大好肉酸呢。

好在返工可以著birkenstock,唔係都唔合點算。
我都成年無買過鞋啦 >

Lizzie
[引用] | 作者 Lizzie | 14th Nov 2007 12:28 AM | [舉報垃圾留言]

[2]

好喜歡你呢篇文章~~

搵到合心水既鞋,同搵到合心水既另一半一樣,真係可遇不可求

謝西嘉
[引用] | 作者 謝西嘉 | 14th Nov 2007 12:47 AM | [舉報垃圾留言]

[3]

Hey. You can try the outlet mall at don't 沖. As i remember the Nike shop there has lots of oversize shoes at discounted price.


[引用] | 作者 隨處摸 | 14th Nov 2007 1:31 AM | [舉報垃圾留言]

[4] 服!

> 有些店員都認為自己是上市公司主席的材料,屈就在鞋店被我這個小角色點來點去

一針見血啊!

Unicorn@FaxDiary
[引用] | 作者 Unicorn@FaxDiary | 14th Nov 2007 8:08 AM | [舉報垃圾留言]

[5]

46號! 真的很大. 不過你本身個子高, 有一對大腳板, 就能更好地支撐自己.

我也喜歡介紹別人到馬莎買"返工鞋", 款式正常, 質料亦不錯, 價錢公道.

其實, 好多人試鞋都要試幾對, 好正常, 大佬, 幾百蚊一對鞋, 唔係唔試清楚呀化. o岩size, 都唔等於著得舒服; 有o的鞋, 我都要專登買大一個碼. 唔試過點知!

家陣o的cheap cheap幾十蚊女裝鞋, o的sales在閣樓上上落落, 都搵俾客試啦.

俾面色你看的, 都做唔長架喇.

敏儀
[引用] | 作者 敏儀 | 14th Nov 2007 9:48 AM | [舉報垃圾留言]

[6]

我同你一樣好難買鞋..不過我唔係腳大同你相反我係腳細...有時選岩左又無SIZE真係好煩呀...

JO
[引用] | 作者 JO | 14th Nov 2007 11:01 AM | [舉報垃圾留言]

[7]

穿鞋, 最緊要係合尺碼, 自己穿著舒服; 不要相信「隻鞋穿久了,就會鬆。」的謬論。我聽到這麼的話, 很反感....

穿著不合適的鞋子(頂趾鞋), 只有是苦了自己的腳, 即使它有多漂亮! 還是不要勉強!!

lilyrose
[引用] | 作者 lilyrose | 14th Nov 2007 4:08 PM | [舉報垃圾留言]

[8]

我都有呢個煩惱,女孩子穿39號,減價貨冇我份,可愛風既日本鞋都冇我份...唉!

馬莎既女裝鞋又唔多得...

Mo媽
[引用] | 作者 Mo媽 | 14th Nov 2007 11:39 PM | [舉報垃圾留言]

[9]

我買鞋都好煩, 因為我對脚係34號, 超細! 一般鞋店都無我既碼, 所以我既鞋统统要放鞋"剪"先穿到! 某些款不適合放就根本吾洗買. 我買鞋仲一定要有鞋帶/鞋扣款先買得, 吾係我會"nut"鞋!

我係你既相反, 但case差不多! 但細腳都可以著大一號, 你就夾硬唔到!

杜麗
[引用] | 作者 杜麗 | 15th Nov 2007 2:45 PM | [舉報垃圾留言]

[10]

我買鞋都係好煩, 腳長係.35-36 左右, 但係腳前掌闊, 其實36會太窄, 但係若買37隻鞋又會太長, 會luck 鞋

腳後跟位又太平, 無左一舊肉用黎頂主隻鞋, 又會luck 鞋, 買岩岩好, 又會整損

所以, 買鞋, 最好係有帶個d...

買係係好煩既事,款靚又未必著到, 唉..我都只係成日買converse, 但又唔鐘意著波鞋。最好係夏天, 可以買人字拖...

肥妹樂
[引用] | 作者 肥妹樂 | 16th Nov 2007 12:33 PM | [舉報垃圾留言]

[11]

我同其他留言一樣, 因為腳仔太細買唔到鞋. 而家有好多小鞋店根本唔會入4號鞋.
上次睇中左對swiss波鞋最細票係5號, 最後好彩去左專門店先希4號鞋炸.
不過我試過去一d訂做皮鞋的鞋店訂鞋,就可以有4號囉,但就好貴$500不過無款,所以好唔鍾意買鞋.

小火球
[引用] | 作者 小火球 | 16th Nov 2007 3:55 PM | [舉報垃圾留言]

[12]

謝謝你的資訊,會到馬莎買鞋。我跟你一樣,不懂得試穿新鞋,怕麻煩人,怕看人面色,且很討厭售鞋員“穿久會髹”的信口開河,不負責任!昨天還被人叫我考慮清楚先,因我已試了幾對鞋!什麼的店員?!


[引用] | 作者 雪兒 | 23rd Feb 2018 11:43 PM | [舉報垃圾留言]