香港新浪網 MySinaBlog
« 上一篇 | 下一篇 »
黃島主 | 29th Dec 2010, 10:02 PM | 島主生活日記 | (2526 Reads)

這個十二月,中了兩個紅色炸彈。

其中一個,竟然是某同事在我不在時,放在我檯面上。事先既沒有親口向我開口,放帖後又沒有再來親口說句。直至婚宴前,才悄悄的打內線給我,問我「得唔得閒」出席他的婚宴。

後來聽聞,有不少被我和新郎關係更「遙遠」的人,都以這種鬼鼠的方式收帖,中招。

本來,我是氣至心口的。但在同事和公司面前,無謂擺款。我明白不出席或只給「不去人情」,純粹是為了啖氣。但為了贏這啖氣,我得到的除了是「教訓」了那新郎外,對我並無益處;尤其,是在公司內,當眾人都出席時您卻扮大支野,免得成為話題。您知,當一班人圍在一蓆時,被說得最多是非那個,就通常是沒有出席的人。

於是,當對方致電我去不去時,我滿口歡欣地,恭賀對方,並承諾一定會出席。

當然,對方的算盤也不是那麼好打。這一舖我被屈的,會記錄在案。今天我付了您婚姻人情,您卻欠了我一個人情。若對方在將來有求予我,我會馬上抽出這張人情牌。

對於我這種遲遲未婚的人,總覺得過去十多年付了的人情,多數見財化水。老實說,很多當年結婚有「邀請」我「俾人情」的伉儷,今時今日已經毫無聯絡。要「反邀請」對方在自己未來的婚禮中出席,一就是難,二就是我會被冠以「十年不見請人飲」的污名。

老實說,我和很多結了婚的人一樣,一樣曾憧憬要一個浪漫和盛大的婚宴,而又要邀請四海之朋友相會。但多年後,覺得非常無謂。很多人明明那筆錢可以是用來置業,就白白為了為搞而搞的,用盡於婚禮上。然後一對新人往往又會在籌辦婚禮中,發生爭拗,導致關係破裂。

坦白說,若我未來要結婚,還是希望靜一點。我覺得結婚是兩個人的事。但偏偏世間上,人們卻認為是兩個家族的事。想到這裏,我覺得那些人和熱帶森林的土人沒有兩樣。

倒佩服現在有些人,直接上律師樓,結婚簽紙,快快趣趣。

不過,我相信自己也會是得把口。將來老婆大人話要大搞,做男人的可以反抗嗎!


[1]

「老實說,很多當年結婚有「邀請」我「俾人情」的伉儷,今時今日已經毫無聯絡。要「反邀請」對方在自己未來的婚禮中出席,一就是難,二就是我會被冠以「十年不見請人飲」的污名。」


[引用] | 作者 | 29th Dec 2010 10:41 PM | [舉報垃圾留言]

[2]

唔知點解,留言消失了一半???

島主你說得對,對於那些很久沒有聯絡但自己曾出席其婚宴的朋友,都不知道應不應該邀請他們呢?


[引用] | 作者 | 29th Dec 2010 10:50 PM | [舉報垃圾留言]

[3]

嘩﹐就憑你最後個兩句﹐好難相信島主未有對象﹐因為講得好”士weet"囉!! 直情似個D幢憬著婚紗既女性 :)


[引用] | 作者 kittykat | 29th Dec 2010 11:02 PM | [舉報垃圾留言]

[4]

我現在覺得婚宴就是給兩個平凡人一嚐當男女主角的機會,也許只有這麼一次全場焦點在他們自己身上.至於幸福與否,跟婚宴的盛大與否是沒有關係的.


[引用] | 作者 仰慕島主的路人 | 29th Dec 2010 11:22 PM | [舉報垃圾留言]

[5]

家有老人家,結婚真係唔到你話唔攪.... 我用western lunch buffet形式擺已經係佢地既底線.不過,擺酒有擺酒好處, 反正結婚都要同家人/friend食飯的話, 擺酒既話辛苦一日就夠.婚宴上,父母, 老人家們真係會好開心.仲有, 結婚翌日拆人情個下真係好開心, 哈哈哈.


[引用] | 作者 nursesukey | 29th Dec 2010 11:23 PM | [舉報垃圾留言]

[6]

呢個鬼祟新郎係咪就係你上次話佢彈琴比新娘聽個位呀?佢咁鬼祟係咪怕唔好意思真接同你講呀?


[引用] | 作者 yeeyee | 30th Dec 2010 12:05 AM | [舉報垃圾留言]

[7]

如果我未來要結婚,我也會選擇不擺酒;因為擺酒好像一場俾面派對兼要表現一場show給人家看。但我會要求未婚夫到東歐拍攝婚紗照,回來後在教堂行禮兼只邀請親朋好友出席。
不過話說回來,您的同事行徑又真是奇怪了一點;畢竟結婚都是開心的事情又犯不著那麼閃縮的~


[引用] | 作者 wasabi | 30th Dec 2010 1:55 AM | [舉報垃圾留言]

[8]

屈指一算,今年都收了四張請帖,黎緊出年三月都有兩單!頭到痛埋!


[引用] | 作者 cher | 30th Dec 2010 2:21 AM | [舉報垃圾留言]

[9]

家人和我都是愛低調簡單的人, 將來結婚, 一定不考慮擺酒, 簡簡單單在教堂行婚禮, 然後跟雙方家人和要好朋友一起吃飯, 巳經足夠了。


[引用] | 作者 Linda | 30th Dec 2010 2:49 AM | [舉報垃圾留言]

[10]

記得當年第一次以自己名義去飲, 是被別的部門經理「邀請」. 當時我剛上班不足兩星期, 便收到這「邀請」. 其實自己一點都不想去, 但我家人說, 人家是"俾面"才邀請, 所以最後我還是出席了.

我也很怕那些為搞而搞的婚禮. 我將來會選擇用這些錢去旅行, 簡單的婚禮會更開心.

"將來老婆大人話要大搞,做男人的可以反抗嗎" 哈哈~
不用說到將來老婆大人了! 若現在的母親大人要的話, 相信島主也只可以做乖乖仔而已! 哈哈~


[引用] | 作者 奇異鳥 | 30th Dec 2010 6:00 AM | [舉報垃圾留言]

[11]

我都覺得將來結婚,可以靜一點! 最多同双方家長吃餐飯就OK! 可以的話, 旅行結婚也不錯!

杜麗
[引用] | 作者 杜麗 | 30th Dec 2010 10:29 AM | [舉報垃圾留言]

[12]

新娘大約結婚前半年send SMS俾朋友A,問朋友A同我會否出席其婚宴,以便點算人數,於是朋友A打電話問我,我諗既然一早已經問,無理由唔得閑,加上係舊同學,雖然唔熟,但如果唔出席嘅話其他同學仔一定會問,所以答應出席,於是我就mark低咗個日子。

新娘大婚日子漸近,我無收過帖,無收過電話,無收過SMS/MSN/EMAIL/FB。好,我等,等到新娘結婚當日,放工時間,六點幾,我打電話問朋友A,(一)究竟我應該去邊度飲(二)其實新娘有無預我個位(三)其實我應唔應該去???

最後,我著朋友A先到酒樓,見到我個名我就去,見唔到我個名我就唔去兼唔俾人情。朋友A去到,見到幾位舊同學做接待,於是相告情況,舊同學話"嚟啦嚟啦,有位呀"。所以,我就去咗。

到依家,我依然無見過佢張帖。

這是發生於去年聖誕節的事情。


[引用] | 作者 小學生 | 30th Dec 2010 12:01 PM | [舉報垃圾留言]


唉...我覺得...呢d野您都係吾好講出黎俾人笑...

第一班笑您既係新郎新娘和班兄弟姊妹...

第二班笑您既係我地....

見您平時留言都有d sense...但呢鑊我都覺得您無話可說....

[引用版主回覆] | 作者 黃島主 | 30th Dec 2010 1:21 PM

[13] Re: 小學生
小學生 :
新娘大約結婚前半年send SMS俾朋友A,問朋友A同我會否出席其婚宴,以便點算人數,於是朋友A打電話問我,我諗既然一早已經問,無理由唔得閑,加上係舊同學,雖然唔熟,但如果唔出席嘅話其他同學仔一定會問,所以答應出席,於是我就mark低咗個日子。
新娘大婚日子漸近,我無收過帖,無收過電話,無收過SMS/MSN/EMAIL/FB。好,我等,等到新娘結婚當日,放工時間,六點幾,我打電話問朋友A,(一)...

佢又無比帖您,您咁ON居去O既?!係您ON 居姐.
呢D人駛O乜比面佢喎..


[引用] | 作者 萍萍 | 30th Dec 2010 12:28 PM | [舉報垃圾留言]

[14]

上面個 "小學生" 咁 ....,人地無比咭你,咁咪即代表佢最後唔請你羅. 係你硬要中埋個頭去

就算到最後有你個名咁又點呀?佢咁無誠意.連張咭都無.電話又話.係你咁死蠢仲中個頭埋佢咋.
stupid

呢d 咁stupid的行為,你仲同人講,低你比人炸


[引用] | 作者 to | 30th Dec 2010 12:41 PM | [舉報垃圾留言]

to :
上面個 "小學生" 咁 ....,人地無比咭你,咁咪即代表佢最後唔請你羅. 係你硬要中埋個頭去
就算到最後有你個名咁又點呀?佢咁無誠意.連張咭都無.電話又話.係你咁死蠢仲中個頭埋佢咋.stupid
呢d 咁stupid的行為,你仲同人講,低你比人炸

其實我認為新娘係最初搵朋友A來問,已經係試探和不知道應不應該請。從中可以看出新娘對小學生根本「未覺熟到要請」。

若不是,她早就直接致電他啦。使咩轉接問朋友A。

[引用版主回覆] | 作者 黃島主 | 30th Dec 2010 1:24 PM

[15] Re: 黃島主
黃島主 :

唉...我覺得...呢d野您都係吾好講出黎俾人笑...
第一班笑您既係新郎新娘和班兄弟姊妹...
第二班笑您既係我地....
見您平時留言都有d sense...但呢鑊我都覺得您無話可說....


後來得知班同學仔中有好幾個都無收到帖
但大家都因為佢喺讀書時期認識嘅朋友
年中都會見吓面
所以唔會唔因為無收到帖而唔出席
"岸居"嘅其實唔止我一個
係大家都一廂情願當新娘係朋友
如果我唔當佢係朋友就諗都唔洗諗走返屋企大覺瞓啦

唉~其實我自己諗返都覺得好"岸居"
不過我唔介意分享我D"岸居"嘢俾大家笑吓
當係帶D歡樂俾大家啦:):):)

祝島主同各位島民新一年開開心心!笑口常開啦!!!


[引用] | 作者 小學生 | 30th Dec 2010 3:36 PM | [舉報垃圾留言]


您都識講:一廂情願。

ANyway,多謝您既分享。

[引用版主回覆] | 作者 黃島主 | 30th Dec 2010 3:55 PM

[16]

唔好咁話小學生啦,佢念舊情0者.

試過有個師兄結婚,我同佢唔同級唔同系,只係上過同一支莊(佢早2屆),見過一兩次,佢竟然想請我.第一次係facebk invitation,我冇覆. 第二次佢搵個莊友打俾我,問我去唔去.
我一時口快話"我唔識佢架喎!",後來加多句"我果日唔得閒呀"俾大家落台.

好在我冇咩是非俾人講,亦唔怕俾人講.話唔去就可以唔去.hehe~


[引用] | 作者 win | 30th Dec 2010 3:49 PM | [舉報垃圾留言]


咁您就吾念舊啦。

[引用版主回覆] | 作者 黃島主 | 30th Dec 2010 3:56 PM

[17]

I like the way Master Island Wong reacts to his future wedding even before he meets his wife. Sounds so sweet!


[引用] | 作者 SC from LA | 30th Dec 2010 4:25 PM | [舉報垃圾留言]

[18] Re: 黃島主
黃島主 :

咁您就吾念舊啦。


我極其只係識得佢,同佢冇舊情,又何來念舊?


[引用] | 作者 win | 30th Dec 2010 5:51 PM | [舉報垃圾留言]

[19] Re: 黃島主
黃島主 : 咁您就吾念舊啦。

睇返上文下理,完全明白島主呢一句係"型"人一野!


[引用] | 作者 Dudu | 30th Dec 2010 6:08 PM | [舉報垃圾留言]


您呢d就叫叻仔。畫公仔唔使畫埋條腸出黎。

[引用版主回覆] | 作者 黃島主 | 30th Dec 2010 6:20 PM

[20]

寻日我既小學同學結婚,佢都冇請我去,因為太耐冇聯絡啦,不過,我都會送返份結婚禮物俾佢,以前讀書係好好朋友,依家只係聚會才見咋!!


[引用] | 作者 solar | 31st Dec 2010 9:35 AM | [舉報垃圾留言]

[21]

所以我結婚時擺酒只為招呼家長同親戚, 朋友同事同學一律請去教堂觀禮就算. 來就來, 不來也罷, 不用麻煩計人頭. 朋友送禮物又好, 送coupon又好, 就算簡單一張賀卡都好, 豐儉由人.
自己唔鐘意去飲, 己所不欲, 勿施於人.

傲雪
[引用] | 作者 傲雪 | 3rd Jan 2011 11:40 AM | [舉報垃圾留言]

[22]

人們卻認為是兩個家族的事。想到這裏,我覺得那些人和熱帶森林的土人沒有兩樣。
haha


[引用] | 作者 iris | 3rd Jan 2011 1:00 PM | [舉報垃圾留言]

[23]

結婚唔係應該非常sweet sweet的嗎?乜好似多是非!


[引用] | 作者 素素 | 3rd Jan 2011 1:34 PM | [舉報垃圾留言]

[24] Re: 傲雪
傲雪 :
所以我結婚時擺酒只為招呼家長同親戚, 朋友同事同學一律請去教堂觀禮就算. 來就來, 不來也罷, 不用麻煩計人頭. 朋友送禮物又好, 送coupon又好, 就算簡單一張賀卡都好, 豐儉由人.自己唔鐘意去飲, 己所不欲, 勿施於人.

agree


[引用] | 作者 亞b | 19th Jan 2011 10:42 PM | [舉報垃圾留言]