香港新浪網 MySinaBlog 精選話題工具
« 上一篇 | 下一篇 »
黃島主 | 24th Mar 2008, 6:24 PM | 島主生活日記 | (2725 Reads)

復活節假期最後一天,與數位教友朋友到坪洲,來個半天遊。

坪洲在哪裏?一小小島,在長洲南丫島附近。這次是半退省避靜、半旅行,由於要練歌,所以我也要帶結他一同前往。

這一天早上,穿回旅行裝,背著結他,到港外線碼頭聚集。彷彿,又回到自己當年大學時參予活動的樣子。

Picture

記得以前唸大學時,非常喜歡背著結他在街上行走;那時,十八廿二,背著結他麻,走起路來好一個結他男,懶有型(自覺),也會有很多女生望(自以為)。但現在麻,很不願意背著結他出街,覺得這樣做,好像有點江湖叔叔賣藝賺錢,又或是覺得自己好像皇后像廣場的那些會彈結他的賓佬。遲些,彈也不彈了,免得被人話是Rolling Stones。

在港外線碼頭,等呀等,卻碰到一個大學時的舊女同學。一遇到這些人,我就要有心理準備。準備,迎接「第一句的問候語」。

「喂?點解您肥左咁多既?」

Shxt,真係無好東西說。第一句,永遠是這句。知不知道,這是很傷人的?

不能怨人,誰叫您和在大學時的體重,差了四、五十磅?

Picture

到了坪洲,午餐吃海鮮。席間,我說道,「記得中小學時,乘船到長洲,途中會在坪洲停船落客。」

「那不是三十多年前的事嗎?現在全都是直航的了。」席上有位長輩說。不過大家一聽「三十多年前」,莫不嘖嘖奇笑。

我並即時澄清,肯定那不是三十多年前的事!最多也是廿年罷,長輩,不要亂說麻!

又,我發覺,坪洲是一個很有條理,很乾淨的島。人少些,也不像長洲南丫島的那麼離島式的煩囂。有一樣東西,一定要一提,就是坪洲的一個碼頭附近的公廁,乾淨到不得了。入了去,以為自己去了日本。後來從友人得悉,這個公廁是得獎的整潔公廁。各位有機會,一定要到那裡「光顧」之。

這天,我經常把雙手,插在所穿軍褲的兩個側袋裏。不要以為我又懶有型的。

因為忘了攬皮帶,不用雙手「hold」住,隨時做男版Yumiko。


[1]

我都好耐無去坪洲,對上一次係n年前係坪洲宿營。

hkyukisnow
[引用] | 作者 hkyukisnow | 24th Mar 2008 7:10 PM | [舉報垃圾留言]

[2]

島主))))))))
我就黎比e一篇blog笑到就黎死喇。


[引用] | 作者 vinsy | 24th Mar 2008 9:48 PM | [舉報垃圾留言]

[3]

島主,去年暑假我也與一班好友到坪洲一天游哩~
你說的公廁我也有幸「光顧」過哩~實在是如你所說乾淨到不得了,裡面有一個嬸嬸不停在清潔哩~~~

去坪洲的話,一定要自己租單車與好朋友四周蕩蕩喔~
不知道你有沒有去那兒一些比較僻的地方,因為走遠一點,再入少少,上左山再往前行會有個淺灘!!!靚到不得了~遠景仲可以望到迪迪尼架=]

坪洲的確是一個好地方 =]


[引用] | 作者 | 24th Mar 2008 10:04 PM | [舉報垃圾留言]

[4]

你食飽咗條褲應該唔會掉下來架,hahaha

yy
[引用] | 作者 yy | 24th Mar 2008 10:08 PM | [舉報垃圾留言]

[5]

點解咁失策, 忘記穿腰帶? 不用雙手「hold」住,隨時做男版Yumiko ....???

如此, 島主看來應是 ....... 纖體成功是吧!! emotion


[引用] | 作者 lilyrose | 24th Mar 2008 10:59 PM | [舉報垃圾留言]

[6]

多D出去行吓,可以減肥呀!Go Go Go...
話唔定next time 見到舊同學/同事, 佢地會話:

「喂?點解您靚仔咗咁多既?」:P


[引用] | 作者 Princess | 24th Mar 2008 11:54 PM | [舉報垃圾留言]

[7]

去旅行兼避靜真好! 上次去坪洲是因為入神樂院,要在那裡轉船... 下次有機會一定要在坪洲好好遊一遊.


[引用] | 作者 米埔 | 25th Mar 2008 12:14 AM | [舉報垃圾留言]

[8]

島主︰激氣!最近去飲宴,d人第一句都係咁話我,

"乜肥左咁多"我好體會你既感受!emotion

 


[引用] | 作者 yan | 25th Mar 2008 1:30 PM | [舉報垃圾留言]

[9]

不能怨人,誰叫您和在大學時的體重,差了四、五十磅?


[引用] | 作者 ^@^豬豬^@^ | 25th Mar 2008 2:16 PM | [舉報垃圾留言]

[10]

有無攪錯呀...又係咁既...留言唔見左一大段架...嗚嗚!

***************

不能怨人,誰叫您和在大學時的體重,差了四、五十磅?


[引用] | 作者 ^@^豬豬^@^ | 25th Mar 2008 2:22 PM | [舉報垃圾留言]

[11]

有無攪錯呀...又係咁既...留言唔見左一大段架...嗚嗚!

***********

唔會掛?主人睇哩讀書個陣係萬人迷啦。唔係的女同學又點會咁留意你既身形變化呢!想纖體,除了運動外,減少進食澱粉質最重要。若主人有需要的話,豬豬可提供纖體意見呢!


[引用] | 作者 ^@^豬豬^@^ | 25th Mar 2008 2:24 PM | [舉報垃圾留言]

[12]

島主,有幸見到一篇好熟識的文章,令我忍不住要在此留言,我e 家都係半個坪洲人,因為我男朋友住坪洲的,同"島民"拍左3年拖啦,唸返當初知佢住甘......遠,我又住九龍.拍拖都要搭船出入一來一回要花好長時間都有d唔慣ga而且仲一直好想"爭取"第時要出返hk 住tim,不過坪洲都有好多吸引人既地方,就係人少而寧靜,樹多環境清幽,夜晚偶然散步跑步踏單車拖下手仔都好寫意ga,島主你真係選岩一個可以島遊既好地方....^^,睇埋睇主你篇文更加勾起我好多舊日同男友係坪洲拍拖既點滴tim,hehe.....

minicake
[引用] | 作者 minicake | 29th Mar 2008 10:54 AM | [舉報垃圾留言]

[13] Re: minicake
minicake : 島主,有幸見到一篇好熟識的文章,令我忍不住要在此留言,我e 家都係半個坪洲人,因為我男朋友住坪洲的,同"島民"拍左3年拖啦,唸返當初知佢住甘......遠,我又住九龍.拍拖都要搭船出入一來一回要花好長時間都有d唔慣ga而且仲一直好想"爭取"第時要出返hk 住tim,不過坪洲都有好多吸引人既地方,就係人少而寧靜,樹多環境清幽,夜晚偶然散步跑步踏單車拖下手仔都好寫意ga,島主你真係選岩一個可以島遊既好地方....^^,睇埋睇主你篇文更加勾起我好多舊日同男友係坪洲拍拖既點滴tim,hehe.....

minicake,坪洲真是一個好地方。其實,船程都不是那麼遠,其實同住在新界無咩分別。我諗好快坪洲就會似南丫島咁,好多外國人居住的啦。

坪洲的租金,也很便宜的呢。


[引用] | 作者 黃島主 | 29th Mar 2008 12:26 PM | [舉報垃圾留言]